請選擇 進入手機版 | 繼續訪問電腦版

 找回密碼
 Y
搜索
查看: 2644|回復: 0

abc

[複製鏈接]

232

主題

258

帖子

1185

積分

管理員

河洛子

Rank: 9Rank: 9Rank: 9

積分
1185
發表於 2019-5-11 17:30:25 | 顯示全部樓層 |閱讀模式
                                                             學霸復仇聮盟     

人物︰     夢吉  (主角, 中學生)       文西 ( 夢吉好友, 亦是同班同學 )  
                世榮 ( 二人之同學兼朋友)          嘉欣  ( 三人之同班女同學 )
場景︰    分兩場   ( 第一場 室內 夢吉家中,     第二場 戶外 龍環葡韻 )

第一場︰
(  地點︰室內      人物︰ 夢吉  文西  世榮  )
夢吉︰ 文西,請接我一下雷神之擊!
文西︰ 喂,作死咩!你失常呀?咁鬼大力,就來連個鑊都比你個鎚仔打爛埋!仲有呀,點解次次都係你做雷神打我,而我次次都要扮Captain Amercia,仲要次次都攞住隻咁架爛鑊!
夢吉︰文西,唔好睇小呢隻鑊,平時當盾牌用,有起事上直情可以幫我孭起佢!
文西︰我唔想再幫你擦蘇州屎喇!仲有呀,唔好一路係度文西文西咁叫好唔好呀?喂,又搞邊科呀?唔好再搞啲咁架嘢好唔好,真係頂你唔順,次次都係個破魚網,毫無新意,唔該你下次比啲想像力好毋!
夢吉︰文西,你錯喇,呢個唔係一個普通架網,喺蜘蛛俠運用力量寶石噴出來的天羅地網!一旦被佢網住,塵世間睇怕都冇邊個可以逃得出來!仲有呀,喺易經八卦上面來講,西北乾宮戌亥代表天門,亦可以講係天羅;東南巽宮辰巳代表地戶,亦即係地網咁解!因為天門地戶乃水火滅絕之凶地,天乙貴人一般都唔會降臨....
文西︰STOP!唔好同我講耶穌,好鬼煩呀!喂,傻架你?攞起支鑊鏟想做乜呀?
夢吉︰文西,鋼鐵俠來喇,受死喇!喂,你仲咩無呢反應架?邊可以束手就擒咁冇癮架!
文西︰大佬,你都已經佈下天羅地網,你呀你呀,型到爆都不突止,仲要力量寶石都要比你攞埋咁出位,試問你個廢鐵俠加雷神蜘蛛俠兼夾力量寶石啲咁驚天地泣鬼神架組合,我仲邊有得玩,係咪?嗱嗱聲收工,執翻好成屋垃圾,落去樓下飲杯茶食個飽喇,下個禮拜考試,仲要溫習架!
夢吉︰文西,其實你仲有破局既辦法架!
文西︰夠喇!破鬼破馬呀?繼我話,你唔好叫夢吉喇,索性改名叫運吉喇!你打機打都 short 哂,無藥可救喇!醒吓喇!
夢吉︰係奇異博士呀!文西,你可以化身為奇異博士,使用時間寶石扭曲時空,隨意進出平行宇宙,真係有平行宇宙架!咁咪可以破解到我佈下架天羅地網囉!
文西︰救命呀!放過我喇!
夢吉︰文西,你要堅持住呀!做人無夢想,同條鹹魚又有乜分別呢?
文西︰好喇好喇,怕咗你喇,就一次咁多吓!
夢吉︰好,文西,靠哂你喇!今日總算比我見識到何謂"即使一張衞生巾都有佢架用途"呢個意思!
文西︰力拔山兮氣蓋世,時不利兮騅不逝....
夢吉︰CUT!你講乜呀,九唔搭八架?文西!
文西︰唔係咁樣,你又點捨得收科呀! ( 文西一臉沒有好氣的說 )
( 此時叮噹叮噹門鈴響了 )
夢吉︰果個豬肉榮,成日都遲到,文西,幫佢開個門喇唔該!
世榮︰唔好意思,剛剛阿媽叫我做小小嘢,搞到遲咗。
文西︰算把你喇,仲唔知你籠嘢嘛?次親次遲到都有藉口。
夢吉︰係喇文西,你睇我地豬肉榮越睇就越似滅霸,繼我話戴埋個手套簡直無敵呀!
世榮︰唔得閒陪你痲呀!好心你喇,就來考試喇,一齊落去M記溫習喇,好毋?仲有呀,唔係個個都好似你咁Q聰明,次次唔使點溫都考前五,我得兩個好蠢架咋,要溫習架唔該!
夢吉︰你話喇文西,如果世榮呢個look,再加上我果隻滅霸手套,拍條片,放上youtube,佢想話唔hit 都難喇!
世榮︰真係冇你咁好氣呀,查實你人又生得靚仔又聰明,就算真係唔想讀書都可以去想其它有意義架嘢喇,比如學似阿福咁狠狠地去溝吓女喇,係咪!
夢吉︰邊個係阿福呀,文西?
文西︰妖,行運茶餐廳入邊果個民輝囉!
世榮︰其實嘉欣清靚白淨又斯斯文文幾好喇,大家都覺得佢幾鐘意你呀!如果唔係,佢又點會拒絕班上咁多男生追求先?夢吉,唔好成日發夢喇,唔好成日搞呢樣搞果樣,腳踏實地做番個中學生喇好乜?
文西︰喂,豬肉榮,男人老狗你又咁清楚人地嘉欣心事?唔通你又有份暗戀佢?
世榮紅了臉︰痴線喇你!你估你真係大文豪達文西呀?你睇吓你個friend,成日啲咁變態架要求,仲要人地配合佢扮陽光檸檬茶廣告入邊個女主角,咁佢都肯!傻架都知嘉欣九成九嗒佢糖喇!
文西謎之一笑︰ 又睇出我地豬肉榮咁偉大會成存人地架喎!
夢吉︰文西,我知喇,你地講緊嘉欣呀嘛,我覺得佢好有神奇女俠架氣質!偷偷同你地講,佢鐘意我就係因為心靈寶石架力量喇!
世榮一本正經︰夠喇!
夢吉︰文西,我查實用咗時間寶石空間寶石和現實寶石將DC漫畫入邊個女神神奇女俠轉咗入漫威宇宙入邊,鬼叫我咁欣賞佢嘛!文西...
文西︰都話咗唔係再文西文西囉,你好煩呀!
夢吉︰文西...
世榮對文西說︰拖佢落去喇!


第二場︰                  
(  地點︰葡韻      人物︰ 夢吉  文西  世榮  嘉欣 )


文西︰喂,運吉,唔好搵啲咁架嘢呢搞喇,呢度話哂咁多人,你要我地兩個陪你做埋啲咁益智架嘢,傳咗出去,一個唔覺意比人拍底放埋上網,我地呢一世仲使見人?
夢吉臉色一沉︰文西,你地兩個唔係想縮沙吓?願賭服輸好喎!邊個叫你地尋晚劈酒時玩大膽真心話時自己揀咗大膽呀!既然輸咗,就要陪我係呢度做角色演釋!再講,人地葡韻呢個地方百多年文化歷史又靚,邊度失禮你兩位先?
世榮︰運吉,你醒吓喇!復仇者世界不過係漫畫,現實世界係唔存在架,好冇!
夢吉︰豬肉佬文西,你地知唔知我佈呢個奇門陣有幾耐?葡韻咁啱係我屋企東南巽位,呢個位咁啱係地戶,對沖宮位就係乾宮天門,呢個時間咁啱又得到乙己開門地遁格落入東南巽四宮!只要呢個時候我地喺度唸咒,就好大機會可以進入漫威宇宙!
文西沒有好氣的說︰乜嘢咒語呀,快啲講喇!
夢吉︰文西,聽住喇,咒語就係 LOVE YOU 3000!
文西世榮齊聲喊︰頂,我地想爆粗呀!
此時,文世機覺的拍一拍世榮膊頭低語道︰喂,救星來喇!
世榮此刻表情有點複雜...
文西︰妖,做乜啫,係你架就係你架,唔係你架就點都唔係你架喇!
說時遲,那時快!文西即刻叫醒發緊夢架夢吉︰喂,運吉,準備好未呀?
夢吉︰吓?
文西︰女學生,斯斯文文,等你好耐架喇!

愛戀沒經驗      今天初發現
遙遙共她見一面    那份快樂太新鮮
我一夜失戀         影子心裡現
問為何共他見一面    美麗印象似......

夢吉對著電單車倒後鏡傻笑︰ 吓,乜咁啱... 嗨,乜咁啱,乜咁啱.... 呼!嗨乜咁啱...
嘉欣隱約的前鏡子裡浮現出來,拿住盒陽光檸檬茶,對住夢吉甜甜一笑 ︰ 嗨,乜咁啱架!
夢吉不自覺的伸了伸舌頭嘻嘻傻笑....

此時,文西早已把世榮拘至一旁,安撫道︰眼濕濕咁,唔係流馬淚呀嘛,男人老狗!算喇,陪我一齊去食餐M記喇!
夢吉不知何時又閃到他們二人面前︰ 喂,食M記唔預埋我?!
文西笑道︰咁得閒,唔使狠狠地咁溝女嘛?
夢吉笑了笑,答道︰文西,我係雷神,人地係神奇女俠,就係咁囉!
世榮︰溝咪溝囉,咁多事實,咁即係點?
文西駁道︰多嘴,唔好問咁多喇!

回復

使用道具 舉報

您需要登錄後才可以回帖 登錄 | Y

本版積分規則

Archiver|手機版|小黑屋|金書圓學  

GMT+8, 2020-12-3 02:36 , Processed in 0.052647 second(s), 22 queries .

Powered by Discuz! X3.3

© 2001-2013 Comsenz Inc.

快速回復 返回頂部 返回列表