請選擇 進入手機版 | 繼續訪問電腦版

 找回密碼
 Y
搜索
查看: 2567|回復: 0

劇本︰幻像似的愛情

[複製鏈接]

232

主題

258

帖子

1185

積分

管理員

河洛子

Rank: 9Rank: 9Rank: 9

積分
1185
發表於 2019-6-23 14:20:01 | 顯示全部樓層 |閱讀模式
                                        幻像似的愛情

人物︰   陽帆   ( 中學生,男主角 )            明輝  (  中學生, 男主角好朋友 )
              學良    (中學生, 學霸 )              小雪    ( 陽帆幻想出來的人,虛擬女主角 )



場景︰   分兩場︰ 第一場 ( 南灣湖畔,星期五晚上,陽帆向好友明輝"訴苦" )
                               第二場  (戶外,熱鬧地方, 某個下午, 陽帆"邂逅" 小雪 )



劇本用倒敍法, 第一場發生在晚上,陽帆向好友明輝"訴苦",講述這幾個星期以來發生的一切"奇妙的事"!至於學霸學良,並未有真正出發,因為只有兩場場景所限!

第一場︰



陽帆︰ 係兄弟架,乜都唔好講,干支呢兩支先!
明輝︰ OKOK!嚟,干杯!
陽帆︰ 友誼萬歲,不醉無歸!
明輝︰ 喂,好喇好喇,你又唔係唔道自己酒量差,醉酒佬的士唔車架,等陣我孭唔到你返屋企架!

之後,沉寂了半响,這時陽帆已然有點不勝酒力!

陽帆︰喂,你真係唔想知呢排我究竟發生咗啲乜嘢呀?
明輝︰我緊係想知喇,但你又叫我唔好問,咪唸住等你想講就自然會同我講囉!話時話你呢排真係搞邊科,考試作弊不單止,估唔到隔離班平時斯斯文文又乖仔架學良竟然陪你癲埋一份!話時話你地好似唔係好熟架咋喎!真係搲哂頭囉我!仲有呀,你媽咪呢幾日成日打電話比我,話你成時搞到個屋企亂哂籠,又晚晚搞到好夜先返屋企!仲有呀,個女仔......

陽帆醉薰薰的向明輝噓了一聲,挨到他耳邊低聲耳語" 我靜靜雞同你講,千祈唔好同人講呀,件事係咁架......

明輝當堂嚇了一跳︰吓,咁離奇,睇嚟你真係醉咗喇!
陽帆︰呃你仲咪啫!你有冇聽過酒醉都有三分醒喇,況且我宜家真係好清醒囉!唔信係咪?你過嚟,我再同你講啲嘢,咁你就相信我冇醉架喇!

這時,陽帆徑自湊到明輝耳邊,又低聲嗡嗡了幾句!

明輝聽罷,臉上馬上一熱︰好喇好喇!唔好再提果件瘀嘢喇!我送你無醉喇,信哂,OK?
只見陽帆露出得逞的笑容︰早就話我無醉架喇,你係都要自己囉呢衰架!
明輝也不理會,只是問道︰ 話時話,我都幾羨慕你架,有超能力幾爽呀!以後考試測驗都唔駛愁喇,仲有呀,超好玩囉,其實呢個世界咁悶,你話如果我都有超能力咁幾好呢!仲有呀,以後大學工作都唔使愁囉!

只見陽帆若有所思的了喝了一口酒︰ 你以為喇,我初時意識都自己都有超能力果陣都好興奮,以為好似叮噹同比卡超咁好玩,點知......
明輝有點急了︰點知乜啫?唔好係度賣闗子,快啲講喇!

陽帆︰你唔知架喇,有無聽過世上無免費午餐,請神容易送神難呀!

明輝︰咁即係點呀?

陽帆︰你都唔知呀,超能力果家野真係好似火咁,你玩起上嚟,真係想收都收唔返架!比如話喇,我考試果陣,對住張試卷,腦入邊簡直一片空白,你知道我邊係讀書架料喇,係咪?!於時,我只不過心諗一句,如果隔離班學良宜家就坐响我旁邊,打開張卷任我抄,你話幾好?!講你都唔信,我只不過咁樣諗一啫,佢就真係好似有隨意門咁彈咗出嚟呀,陰公! 我嚇都比佢嚇死呀,自己都未開口要求佢比我抄,點知佢就好似我肚入邊一條蟲知我諗緊乜咁,自己打開張試卷又大聲地猛咁叫我抄,你話佢係咪傻架?咁大聲,慌死李SIR聽唔到咁!卒之咪大家一齊記大過囉!

明輝︰吓,咁離奇,我真係O哂咀囉!咁...咁你咁大個人自己唔識同李SIR解釋架咩?

陽帆一聲,酒更醒了幾分,馬上兩手一攤,又氣又無奈的反問︰ 你傻架,點講呀!唔通叫我同阿SIR講,唔闗我事架李SIR,成件事唔係你想像中咁架樣,其實就係因為我識"超能力"咁呀?!唔該你喇,信唔信如果我真係咁樣將事實講出來,踢出校都似呀!

明輝點點頭,表示認同︰咁又啱,你都講得幾有道理!

陽帆慾罷不能︰仲有呀,呢點嘢真係好抵死,時靈時唔靈,最慘係你有心求果時佢遍遍又無效,反而無意中自己口upup果陣,佢由失驚無神彈出嚟,仲要搞到你收唔到科!仲神化過天龍八部入邊架六脈神劍呀!好似我打拳霸果陣,有一局抽輸咗比猫王,於是好火咁大聲一喊,有本事就出嚟,同我真正揀翻一舖!你估吓發生乜事,真係好Q科幻囉,佢真係彈咗出嚟係我對面,跟住?結果屋企咪搞到七國咁亂囉,唉......


明輝安慰道︰ 嘩,咁神奇,真係講都無人信喎!不過唔緊要,你呢排都總算有運行喇,你個宅男都總算搵到人生架初戀喇,係咪先!
陽帆百感交集︰唉,唔好提喇,係假架!呢個世界,雖然好多時真假難分!但係,感情呢家嘢無得呃自己,真就係真,假就係假!真架假不了,假架也真不了!

明輝︰ 聽唔明,宜家叫你講哲學嘛?

陽帆︰我講你就明,一切都要由果日開始講起.......


第二場


背景音樂︰ 愛戀沒經驗,今天初發現,遙遙共她見一面,那份快樂太新鮮...


陽帆︰乜咁啱架?乜咁啱?乜咁?乜咁...

陽帆對著電單車倒後鏡一片又一片的練習,好不容易鼓足勇氣正要向小雪打招呼之際,發現小雪卻又"不見了",跑了好幾條街也找不著,正氣喘吁吁依偎在一部汽水販賣機"抖一抖"之際,恰巧小雪又"出現了"

小雪︰噯,乜咁啱架!

陽帆伸了伸舌頭,傻傻的笑道︰嗯,真係啱喇!

小雪︰咁你宜家放學有乜做呀?

陽帆又傻傻的笑著搖了搖頭︰嗯,冇呀!咁你呢?

小雪︰我都冇呀,咁不如一齊去麥當勞溫習囉?

陽帆點了點頭︰好呀,好呀,我都想去溫習呀!




"返回" 第一場

明輝︰唔係呀化?你貴庚呀今年?學人睇星爺食神?好有手代感喎!

陽帆︰唉,唔好提...

明輝︰之不過,你意思係話,當你睇睇吓YOUTUBE呢條片果時,呀"小雪"就不知不覺咁"彈"咗出嚟呀,都真係幾難以置信喎!

陽帆︰之咪係囉!

明輝問道︰咁你宜家打算點先?

陽帆︰我都唔知呀,我可以點呀,一切都係假架,小雪又係假架!咁試問我又可以點呢?

明輝︰咁你有啲唔負責任喎!

陽帆︰咁點付呀,假架喎大哥!我雖然係有啲宅,但都分得清真假囉!

明輝︰咁使唔使同人講清楚先?

陽帆︰假架,有乜好講?

明輝低聲噓了一下,指著陽帆背後道︰ 真又好假又好,宜家人地係你後面,都要打聲招呼,講清楚架!

陽帆轉過頭,向著小雪笑了一笑!

小雪︰乜咁啱架!

陽帆不好意思的答︰係囉係囉!

明輝又捏了陽帆手臂︰人地send message 比你喇,去唔去覆返人喇,唔好成碌木咁喇!

陽帆遲疑一下,終於回了小雪WECHAT

明輝︰有啲可惜喎,我見小雪好傷心囉,你要知道自己好難再搵一個新架喎!

陽帆︰假架,有乜可惜!

明輝︰真又點假又點?

陽帆︰唔好講咁多,至少你呢個死黨係真架咁咪得囉,干多杯先講!


回復

使用道具 舉報

您需要登錄後才可以回帖 登錄 | Y

本版積分規則

Archiver|手機版|小黑屋|金書圓學  

GMT+8, 2020-12-3 02:55 , Processed in 0.050595 second(s), 22 queries .

Powered by Discuz! X3.3

© 2001-2013 Comsenz Inc.

快速回復 返回頂部 返回列表